سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”دو بھوکے اور خونخوار بھیڑیے، جو بکریوں کے کسی ایسے باڑے میں رات گزاریں جس کے مالک اس کی حفاظت سے غافل ہوں، وہ وہاں چیر پھاڑ کرنے اور انہیں کھانے کے ذریعے اتنی تیزی سے تباہی نہیں مچاتے جتنا بگاڑ ایک مسلمان کے دین میں مال اور جاہ و منصب کی محبت پیدا کرتی ہے۔“
اس حدیث کو سفیان ثوری رحمہ اللہ سے صرف عبدالملک ذِماری رحمہ اللہ نے روایت کیا ہے۔ [المعجم الأوسط/باب الألف/حدیث: 772]