عمرو بن شعیب رحمہ اللہ اپنے والد سے اور وہ اپنے دادا (سیدنا عبداللہ بن عمرو رضی اللہ عنہما) سے روایت کرتے ہیں کہ رسول اللہ صلی اللہ علیہ وسلم نے فرمایا: ”تم میں سے کسی پر کوئی حرج نہیں کہ جب وہ نفلی صدقہ کرے تو اسے اپنے والدین کی طرف سے کر دے، اس طرح اس کا ثواب ان دونوں کو ملے گا اور خود اس کے اجر میں کوئی کمی نہیں ہوگی۔“
امام طبرانی رحمہ اللہ فرماتے ہیں: ”اس حدیث کو عثمان بن سعد رحمہ اللہ سے صرف خارجہ بن مصعب رحمہ اللہ نے روایت کیا ہے۔“ [المعجم الأوسط/باب الميم/حدیث: 7726]