سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جو شخص کسی قوم کی امامت کرے وہ اللہ سے ڈرے، اور جان لے کہ وہ ضامن ہے اور اس سے اسی قدر باز پرس ہوگی جس قدر اس نے ذمہ داری لی ہے۔ اگر اس نے اچھی طرح امامت کی تو اسے اپنے پیچھے نماز پڑھنے والوں کے برابر اجر ملے گا، بغیر اس کے کہ ان کے اجروں میں کوئی کمی ہو، اور جو کوتاہی ہوگی اس کا وبال اسی پر ہوگا۔“
امام طبرانی رحمہ اللہ فرماتے ہیں: ”اس حدیث کو ابو الجوزاء رحمہ اللہ سے یحییٰ بن ابی الفضل کے سوا کسی نے روایت نہیں کیا، اور یحییٰ سے معارک کے سوا کسی نے روایت نہیں کیا، اس میں یوسف بن حجاج منفرد ہیں۔“ [المعجم الأوسط/باب الميم/حدیث: 7755]