سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم نے اس فرمان کے بعد سینگی لگوائی جس میں آپ صلی اللہ علیہ وسلم نے فرمایا تھا: ”سینگی لگانے والے اور لگوانے والے دونوں کا روزہ ٹوٹ گیا۔“
امام طبرانی رحمہ اللہ فرماتے ہیں: ”اس حدیث کو ابو قلابہ سے ابو سفیان کے سوا کسی نے روایت نہیں کیا، اور وہ سعدی ہیں، ان کا نام طریف ہے، اور اس کی روایت میں ابو حمزہ سکری منفرد ہیں۔“ [المعجم الأوسط/باب الميم/حدیث: 7890]