عمرو بن شعیب رحمہ اللہ کے دادا سیدنا عبداللہ بن عمرو رضی اللہ عنہما سے روایت ہے، انہوں نے کہا: ”میں نے رسول اللہ صلی اللہ علیہ وسلم کو ننگے پاؤں بھی نماز پڑھتے دیکھا اور جوتا پہن کر بھی۔ اور میں نے آپ صلی اللہ علیہ وسلم کو کھڑے ہو کر بھی پانی پیتے دیکھا اور بیٹھ کر بھی۔ اور میں نے آپ صلی اللہ علیہ وسلم کو نماز سے دائیں جانب سے بھی پھرتے دیکھا اور بائیں جانب سے بھی۔ اور میں نے آپ صلی اللہ علیہ وسلم کو سفر میں روزہ رکھتے بھی دیکھا اور روزہ چھوڑتے بھی۔“
امام طبرانی رحمہ اللہ فرماتے ہیں: ”اس حدیث کو قتادہ سے سعید کے سوا کسی نے روایت نہیں کیا، اور سعید سے عبدہ کے سوا کسی نے نہیں، اور اس میں حامد بن آدم منفرد ہیں۔“ [المعجم الأوسط/باب الميم/حدیث: 7892]