سیدنا علی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اگر یہ بات نہ ہوتی کہ کتے بھی امتوں میں سے ایک امت ہیں تو میں ان کے قتل کا حکم دے دیتا، لہٰذا (اب) ان میں سے ہر خالص سیاہ کتے کو قتل کر دو۔ اور جو شخص شکار، کھیتی اور بکریوں (کی رکھوالی) کے علاوہ کسی اور مقصد کے لیے کتا پالے تو اس کے پاس ہر رات احد پہاڑ کے برابر ایک قیراط گناہ جمع ہوتا رہتا ہے۔ اور جب تم میں سے کسی کے برتن میں کتا منہ ڈال دے تو وہ اسے سات مرتبہ دھوئے، ان میں سے ایک مرتبہ مٹی سے۔“
امام طبرانی رحمہ اللہ فرماتے ہیں: ”اس حدیث کو ابو اسحاق سے جارود کے سوا کسی نے روایت نہیں کیا، اور سیدنا علی رضی اللہ عنہ سے یہ حدیث صرف اسی سند سے مروی ہے۔“ [المعجم الأوسط/باب الميم/حدیث: 7899]