سیدنا عبداللہ بن عمر رضی اللہ عنہما سے روایت ہے کہ نبی کریم صلی اللہ علیہ وسلم جب مکہ مکرمہ تشریف لائے تو وہاں تین سو ساٹھ بت پائے، چنانچہ آپ صلی اللہ علیہ وسلم اپنی چھڑی سے ہر بت کی طرف اشارہ کرتے جاتے اور فرماتے: ﴿جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا﴾ ”حق آ گیا اور باطل مٹ گیا، بے شک باطل مٹ جانے ہی والا تھا“ تو وہ بت (منہ کے بل) گر پڑتا، حالانکہ آپ صلی اللہ علیہ وسلم نے اسے چھوا تک نہیں ہوتا تھا۔ [المعجم الأوسط/باب الميم/حدیث: 7933]