سیدنا عرفجہ رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم نے ہمیں فجر کی نماز پڑھائی، پھر ارشاد فرمایا: ”آج رات میرے صحابہ (کے مراتب) کا وزن کیا گیا؛ پس سیدنا ابوبکر رضی اللہ عنہ کا وزن کیا گیا تو وہ وزنی رہے، پھر سیدنا عمر رضی اللہ عنہ کا وزن کیا گیا تو وہ وزنی رہے، پھر سیدنا عثمان رضی اللہ عنہ کا وزن کیا گیا تو وہ بھی وزنی رہے“۔“
امام طبرانی رحمہ اللہ فرماتے ہیں: ”یہ حدیث سیدنا عرفجہ رضی اللہ عنہ سے صرف اسی سند کے ساتھ مروی ہے، اور اسے نقل کرنے میں عبد الاعلیٰ بن ابی المساور رحمہ اللہ منفرد ہیں۔“ [المعجم الأوسط/باب الألف/حدیث: 813]