سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم سے سوال کیا گیا، عرض کیا گیا: ”ہم میں سے کوئی شخص ایسا ہوتا ہے کہ صبح ہو جاتی ہے اور اس نے وتر نہیں پڑھے ہوتے، کیونکہ نیند اس پر غالب آ گئی ہوتی ہے؟“ آپ صلی اللہ علیہ وسلم نے فرمایا: ”وہ صبح ہونے پر وتر پڑھ لے۔“
امام طبرانی رحمہ اللہ فرماتے ہیں: ”اس حدیث کو زید بن اسلم سے متصل سند کے ساتھ ان کے بیٹے عبدالرحمن کے سوا کسی نے روایت نہیں کیا، جبکہ ایک جماعت نے اسے عطاء بن یسار رحمہ اللہ سے مقطوعاً روایت کیا ہے۔“ [المعجم الأوسط/باب الميم/حدیث: 8842]