سیدنا جابر رضی اللہ عنہما سے روایت ہے کہ ان سے پوچھا گیا: کیا آپ نے اس کا ذکر نبی کریم صلی اللہ علیہ وسلم سے سنا ہے؟ انہوں نے کہا: جی ہاں، آپ صلی اللہ علیہ وسلم نے فرمایا: ”ہم اہلِ کتاب کے وارث نہیں بنتے اور نہ وہ ہمارے وارث بنتے ہیں، سوائے اس کے کہ کوئی آدمی اپنے غلام یا لونڈی کا وارث بنے، اور ہم ان کی عورتوں سے نکاح کر سکتے ہیں جبکہ وہ ہماری عورتوں سے نکاح نہیں کر سکتے۔“
امام طبرانی رحمہ اللہ فرماتے ہیں: ”اشعث بن سوار سے یہ حدیث شریک کے سوا کسی نے روایت نہیں کی۔“ [المعجم الأوسط/باب الميم/حدیث: 8916]