سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”تین دن سے زیادہ ترکِ تعلق (قطع کلامی) جائز نہیں۔ پھر اگر دونوں کی ملاقات ہو جائے اور ایک دوسرے کو سلام کرے اور دوسرا اسے سلام کا جواب دے دے تو دونوں اجر میں شریک ہو جاتے ہیں، اور اگر دوسرا سلام کا جواب دینے سے انکار کر دے تو پہلا گناہ سے بری ہو گیا اور دوسرا اس گناہ کو لے کر لوٹا۔ اور مجھے اندیشہ ہے کہ اگر وہ دونوں اس حالت میں مر گئے کہ ایک دوسرے سے قطع تعلق کیے ہوئے تھے تو وہ جنت میں اکٹھے نہ ہو سکیں گے۔“
امام طبرانی رحمہ اللہ فرماتے ہیں: ”اس حدیث کو ابن جریج سے سعید بن سالم کے سوا کسی نے روایت نہیں کیا، اور اس میں اسد بن موسیٰ منفرد ہیں۔“ [المعجم الأوسط/باب الميم/حدیث: 8930]