سیدنا ابو الدرداء رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس شخص نے کسی آدمی کا ذکر ایسی بات کے ساتھ کیا جو اس میں نہیں ہے، تاکہ اسے اس عیب سے بدنام کرے جو اس میں ہے ہی نہیں، تو اللہ تعالیٰ اسے جہنم کی آگ میں روکے رکھے گا، یہاں تک کہ وہ اپنی کہی ہوئی بات کا ثبوت (پورا کر کے) لے آئے۔“
امام طبرانی رحمہ اللہ فرماتے ہیں: ”یہ حدیث ابن جریج سے صرف سعید بن سالم نے روایت کی ہے۔“
دار الحرمین کے مطبوعہ نسخے میں اسی طرح (عمرو بن عبداللہ الاودی) ہے، جبکہ درست «عبداللہ بن عمرو الاودی» ہے۔ [المعجم الأوسط/باب الميم/حدیث: 8936]