ام المومنین سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم سے اس آدمی کے بارے میں پوچھا گیا جو نیند میں کوئی چیز (خواب) دیکھتا ہے مگر تری نہیں پاتا، اور (دوسرا) جو تری پاتا ہے مگر اسے کچھ (خواب) یاد نہیں ہوتا؟ تو آپ صلی اللہ علیہ وسلم نے فرمایا: ”جب تم میں سے کوئی تری پائے اور اسے (خواب میں) کچھ یاد نہ ہو تو وہ غسل کرے، اور جب (خواب میں) کچھ دیکھے مگر تری نہ پائے تو غسل نہ کرے۔“
امام طبرانی رحمہ اللہ فرماتے ہیں: ”اس حدیث کو قاسم بن محمد رحمہ اللہ سے عبیداللہ بن عمر اور ابو الاسود رحمہما اللہ کے سوا کسی نے روایت نہیں کیا۔ عبیداللہ بن عمر رحمہ اللہ سے روایت کرنے میں ان کے بھائی عبداللہ بن عمر رحمہ اللہ منفرد ہیں، اور ابو الاسود رحمہ اللہ سے روایت کرنے میں ابن لہیعہ رحمہ اللہ منفرد ہیں۔“ [المعجم الأوسط/باب الميم/حدیث: 8966]