سیدنا عبداللہ بن عمرو بن العاص رضی اللہ عنہما بیان کرتے ہیں کہ دو جھگڑنے والے سیدنا عمرو بن العاص رضی اللہ عنہ کے پاس اپنا مقدمہ لے کر آئے، انہوں نے ان کے درمیان فیصلہ کر دیا تو جس کے خلاف فیصلہ ہوا وہ ناراض ہو گیا اور رسول اللہ صلی اللہ علیہ وسلم کے پاس آیا۔ تب رسول اللہ صلی اللہ علیہ وسلم نے فرمایا: ”جب کوئی قاضی فیصلہ کرے اور اجتہاد کرے، پھر درست فیصلے تک پہنچ جائے تو اس کے لیے دس اجر ہیں، اور اگر اجتہاد کرے اور خطا کر جائے تو اس کے لیے دو اجر ہیں۔“ [المعجم الأوسط/باب الميم/حدیث: 8988]