ام المومنین سیدہ عائشہ رضی اللہ عنہا سے روایت ہے کہ سیدنا ابوبکر رضی اللہ عنہ مسجد میں داخل ہوئے تو سیدنا عمر رضی اللہ عنہ لوگوں سے خطاب کر رہے تھے، آپ رضی اللہ عنہ آگے بڑھتے گئے یہاں تک کہ رسول اللہ صلی اللہ علیہ وسلم کے اس گھر میں داخل ہوئے جس میں آپ صلی اللہ علیہ وسلم کی وفات ہوئی تھی، اور وہ سیدہ عائشہ رضی اللہ عنہا کا گھر تھا، پھر آپ رضی اللہ عنہ نے رسول اللہ صلی اللہ علیہ وسلم کے چہرۂ مبارک سے وہ دھاری دار یمنی چادر ہٹائی جس سے آپ صلی اللہ علیہ وسلم کو ڈھانپا گیا تھا، آپ صلی اللہ علیہ وسلم کے چہرے کو دیکھا اور اس پر جھک کر آپ صلی اللہ علیہ وسلم کو بوسہ دینے لگے۔ [المعجم الأوسط/باب الميم/حدیث: 9168]