سیدنا عبداللہ بن عمر رضی اللہ عنہما فرماتے ہیں کہ رسول اللہ صلی اللہ علیہ وسلم ابن صیاد کے پاس سے گزرے، وہ لڑکوں کے ساتھ کھیل رہا تھا، آپ صلی اللہ علیہ وسلم نے اسے پہچان لیا اور اسے آگے بلایا، پھر فرمایا: ”کیا تو گواہی دیتا ہے کہ میں اللہ کا رسول ہوں؟“ ابن صیاد نے کہا: ”میں گواہی دیتا ہوں کہ آپ امیوں کے نبی ہیں، تو کیا آپ گواہی دیتے ہیں کہ میں اللہ کا رسول ہوں؟“ تو رسول اللہ صلی اللہ علیہ وسلم نے فرمایا: ”میں اللہ پر اور اس کے رسولوں پر ایمان لایا۔“
امام طبرانی رحمہ اللہ فرماتے ہیں: ”اس حدیث کو نافع سے، انھوں نے سالم سے، ضحاک کے سوا کسی نے روایت نہیں کیا، اور مغیرہ بن عبدالرحمن اسے روایت کرنے میں منفرد ہیں۔“ [المعجم الأوسط/باب الواو/حدیث: 9276]