سالم بن عبداللہ رحمہ اللہ سے روایت ہے کہ سیدنا عبداللہ بن عمر رضی اللہ عنہما کے پاس (لوگ) آئے اور ان سے کہا گیا: ”سیدنا ابن عباس رضی اللہ عنہما نکاحِ متعہ کا حکم دیتے ہیں۔“ تو سیدنا ابن عمر رضی اللہ عنہما نے فرمایا: ”سبحان اللہ! میں نہیں سمجھتا کہ ابن عباس ایسا کرتے ہوں گے۔“ لوگوں نے کہا: ”جی ہاں، وہ اسی کا حکم دیتے ہیں۔“ تو انہوں نے فرمایا: ”رسول اللہ صلی اللہ علیہ وسلم کے زمانے میں ابن عباس ایک چھوٹے سے لڑکے ہی تو تھے!“ پھر سیدنا ابن عمر رضی اللہ عنہما نے فرمایا: ”رسول اللہ صلی اللہ علیہ وسلم نے ہمیں اس سے منع فرما دیا تھا، اور ہم (اس وقت بھی) بدکاری کرنے والے نہ تھے۔“ [المعجم الأوسط/باب الهاء/حدیث: 9295]