ام المومنین سیدہ ام سلمہ رضی اللہ عنہا سے روایت ہے کہ ان کی ایک بکری تھی جس کا وہ دودھ دوہا کرتی تھیں، نبی کریم صلی اللہ علیہ وسلم نے اسے نہ پایا تو پوچھا: ”تمہاری بکری کا کیا بنا؟“ لوگوں نے عرض کیا: وہ مر گئی۔ آپ صلی اللہ علیہ وسلم نے فرمایا: ”تم نے اس کی کھال سے فائدہ کیوں نہ اٹھایا؟“ ہم نے عرض کیا: وہ تو مردار ہے۔ آپ صلی اللہ علیہ وسلم نے فرمایا: ”بلاشبہ اس کا دباغت دینا اسے حلال کر دیتا ہے، جیسے سرکہ شراب کو حلال کر دیتا ہے۔“
امام طبرانی رحمہ اللہ فرماتے ہیں: ”اس حدیث کو یحییٰ بن سعید سے فرج بن فضالہ کے سوا کسی نے روایت نہیں کیا، اور ام سلمہ رضی اللہ عنہا سے یہ حدیث صرف اسی سند سے مروی ہے۔“ [المعجم الأوسط/باب الهاء/حدیث: 9390]