قیس (بن قہد) بیان کرتے ہیں کہ سیدنا ابن مسعود رضی اللہ عنہ پورا پورا مہینہ حدیث بیان کرتے رہتے، مگر یہ نہ کہتے: ”میں نے رسول اللہ صلی اللہ علیہ وسلم سے سنا ہے۔“ پھر جب رسول اللہ صلی اللہ علیہ وسلم کا ذکر کرتے تو کہتے: ”آپ صلی اللہ علیہ وسلم نے اس طرح فرمایا، یا اس جیسا فرمایا، یا اس کے قریب قریب فرمایا۔“ اور (خوف و تعظیم سے) ان پر کپکپی طاری ہو جاتی تھی۔
امام طبرانی رحمہ اللہ فرماتے ہیں: ”اس حدیث کو بیان سے محمد بن فضیل کے سوا کسی نے روایت نہیں کیا، ابو کریب اس میں منفرد ہیں۔ اور جس قیس سے شعبی نے یہ حدیث روایت کی ہے وہ قیس بن قہد ہیں۔“ [المعجم الأوسط/باب الهاء/حدیث: 9402]