سیدنا عمر بن خطاب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جنت انبیاء پر حرام کر دی گئی ہے یہاں تک کہ میں اس میں داخل ہو جاؤں، اور (دیگر تمام) امتوں پر حرام کر دی گئی ہے یہاں تک کہ میری امت اس میں داخل ہو جائے۔“
اس حدیث کو زہری رحمہ اللہ سے ابن عقیل رحمہ اللہ کے علاوہ کسی نے روایت نہیں کیا، اور ابن عقیل رحمہ اللہ سے زہیر رحمہ اللہ کے علاوہ، اور زہیر رحمہ اللہ سے صدقہ رحمہ اللہ کے علاوہ کسی نے روایت نہیں کیا؛ اس (کی روایت) میں عمرو رحمہ اللہ منفرد ہیں۔ [المعجم الأوسط/باب الألف/حدیث: 942]