سیدنا ابو ہریرہ رضی اللہ عنہ سے مرفوعاً روایت ہے کہ نبی کریم صلی اللہ علیہ وسلم نے فرمایا: ”آدمی کے پاس اس کی قبر میں (عذاب کے فرشتے) آتے ہیں، چنانچہ جب وہ اس کے سر کی جانب سے آتے ہیں تو تلاوتِ قرآن اسے روک دیتی ہے، اور جب اس کے ہاتھوں کی جانب سے آتے ہیں تو صدقہ اسے ہٹا دیتا ہے، اور جب اس کے پاؤں کی جانب سے آتے ہیں تو مسجدوں کی طرف اس کا چل کر جانا اسے دفع کر دیتا ہے، اور صبر ایک جانب (تیار) کھڑا ہوتا ہے۔“ پھر (صبر) کہتا ہے: ”سنو! اگر میں (ان میں) کوئی کمی دیکھتا تو میں ہی اس (کمی کو پورا کرنے) کا ذمہ دار ہوتا۔“
امام طبرانی رحمہ اللہ فرماتے ہیں: ”اس حدیث کو طلحہ بن مصرف سے مالک بن مغول کے سوا کسی نے روایت نہیں کیا، اور مالک سے سفیان کے سوا کسی نے نہیں، اور سفیان سے محمد بن صلت کے سوا کسی نے نہیں، اس میں ابو حفص منفرد ہیں۔“ [المعجم الأوسط/باب الهاء/حدیث: 9438]