سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم کی خدمت میں ایک شخص حاضر ہوا اور عرض کی: ”اے اللہ کے نبی! میرے کچھ رشتہ دار ہیں جن سے میں صلہ رحمی کرتا ہوں اور وہ مجھ سے قطع رحمی کرتے ہیں، میں ان کے ساتھ حسنِ سلوک کرتا ہوں اور وہ میرے ساتھ بدسلوکی کرتے ہیں۔“ آپ صلی اللہ علیہ وسلم نے فرمایا: ”اگر معاملہ ویسا ہی ہے جیسا تم کہہ رہے ہو، تو اللہ عزوجل کی طرف سے ان کے مقابلے میں تمہارے ساتھ ہمیشہ ایک مددگار رہے گا۔“ [المعجم الأوسط/باب الألف/حدیث: 944]