سیدنا عبداللہ بن عمرو بن العاص رضی اللہ عنہما سے روایت ہے کہ انہوں نے فرمایا: ”ہم رسول اللہ صلی اللہ علیہ وسلم کی خدمت میں حاضر تھے کہ آپ صلی اللہ علیہ وسلم نے ارشاد فرمایا: ”میرے بعد عنقریب ایسے حکمران ہوں گے جو نماز کو اس کے (مستحب) وقت سے مؤخر کر دیں گے۔“ میں نے عرض کیا: یا رسول اللہ! جو شخص انہیں پا لے وہ کیا کرے؟ آپ صلی اللہ علیہ وسلم نے فرمایا: ”تم نماز کو اس کے (صحیح) وقت پر پڑھ لیا کرو، پھر اگر تم ان کے ساتھ نماز کے وقت موجود ہو تو (ان کے ساتھ بھی) نماز پڑھ لیا کرو۔““ [المعجم الأوسط/باب الألف/حدیث: 958]