سیدنا جابر رضی اللہ عنہما سے روایت ہے کہ انہوں نے کعب الاحبار رحمہ اللہ کو یہ فرماتے ہوئے سنا: ”جب اللہ عزوجل نے سیدنا موسیٰ علیہ السلام سے ان کی اپنی زبان سے پہلے مختلف زبانوں میں کلام فرمایا، تو سیدنا موسیٰ علیہ السلام عرض کرنے لگے: ”اے میرے رب! میں یہ نہیں سمجھ رہا۔“ یہاں تک کہ اللہ تعالیٰ نے ان کی اپنی زبان سے پہلے (ان میں سے) آخری زبان میں کلام فرمایا، تو انہوں نے عرض کی: ”اے میرے رب! کیا آپ کی مخلوق میں کوئی ایسی چیز ہے جو آپ کے کلام کے مشابہ ہو؟“ اللہ تعالیٰ نے فرمایا: ”نہیں۔“ پھر فرمایا: ”اور میری مخلوق میں میرے کلام سے قریب ترین مشابہت رکھنے والی چیز وہ ہے جو بجلی کی کڑک میں سے نہایت شدت کے ساتھ سنی جاتی ہے۔““ [المعجم الأوسط/باب الألف/حدیث: 987]