سیدنا ولید بن عقبہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اہلِ جنت میں سے کچھ لوگ اہلِ جہنم کی طرف جھانکیں گے اور (ان سے) پوچھیں گے: تم آگ میں کیوں داخل ہوئے؟ اللہ کی قسم! ہمیں تو جنت اسی علم کی بدولت ملی جو ہم نے تم سے سیکھا تھا۔ وہ جواب دیں گے: ہم (نیک باتیں) کہتے تو تھے لیکن خود ان پر عمل نہیں کرتے تھے۔“
اس حدیث کو اسماعیل بن ابی خالد رحمہ اللہ سے صرف ابوبکر الداہری رحمہ اللہ نے روایت کیا ہے اور ان سے روایت کرنے میں زہیر رحمہ اللہ منفرد ہیں۔ [المعجم الأوسط/باب الألف/حدیث: 99]