(نبی کریم صلی اللہ علیہ وسلم نے فرمایا:)
”قیامت برپا ہونے سے پہلے چھ نشانیوں کو شمار کر لو: میری وفات، پھر بیت المقدس کی فتح، پھر ایک ایسی ہلاکت خیز وبا جو تم میں اس طرح تیزی سے پھیلے گی جس طرح بکریوں میں بیماری پھیل کر انہیں مار ڈالتی ہے، پھر مال و دولت کی اتنی فراوانی ہو جائے گی کہ اگر کسی شخص کو سو دینار بھی دیے جائیں گے تو وہ اسے کم سمجھ کر ناراض ہی رہے گا، پھر ایک ایسا زبردست فتنہ نمودار ہوگا کہ عرب کا کوئی گھر ایسا نہیں بچے گا جس میں وہ داخل نہ ہو، پھر ایک صلح جو تمہارے اور بنو اصفر (رومیوں/عیسائیوں) کے درمیان ہوگی، لیکن وہ عہد شکنی کریں گے اور تم پر حملہ آور ہونے کے لیے اسّی (80) جھنڈوں تلے جمع ہو کر آئیں گے، اور ہر جھنڈے کے نیچے بارہ ہزار کی فوج ہوگی۔“ [صحيح الجامع الصغير وزيادته/[حرف الألف] -- أص/حدیث: 1045]