(نبی کریم صلی اللہ علیہ وسلم نے فرمایا:)
”کیا میں تمہیں اس شخص کے بارے میں نہ بتاؤں جس کا مرتبہ لوگوں میں سب سے بہتر ہے؟ وہ آدمی جو اللہ کی راہ میں اپنے گھوڑے کی لگام تھامے ہوئے ہے یہاں تک کہ وہ فوت ہو جائے یا شہید کر دیا جائے۔ کیا میں تمہیں اس شخص کے بارے میں نہ بتاؤں جو درجے میں اس کے بعد ہے؟ وہ آدمی جو کسی گھاٹی میں گوشہ نشین ہے، نماز قائم کرتا ہے، زکوٰۃ ادا کرتا ہے اور لوگوں کے شر سے الگ تھلگ رہتا ہے۔ کیا میں تمہیں سب سے بدترین شخص کے بارے میں نہ بتاؤں؟ وہ شخص جس سے اللہ کے نام پر کچھ مانگا جائے اور وہ نہ دے۔“ [صحيح الجامع الصغير وزيادته/[حرف الألف] -- اه/حدیث: 2601]