(نبی کریم صلی اللہ علیہ وسلم نے فرمایا:)
”جو شخص نماز کے ارادے سے وضو کرنے کے لیے کھڑا ہو، پھر اپنے دونوں ہاتھ دھوئے تو پانی کے پہلے قطرے کے ساتھ ہی اس کے ہاتھوں کے گناہ جھڑ جاتے ہیں، پھر جب وہ اپنا چہرہ دھوتا ہے تو پہلے قطرے کے ساتھ ہی اس کے کانوں اور آنکھوں کے گناہ جھڑ جاتے ہیں، پھر جب وہ اپنی کہنیوں تک ہاتھ اور ٹخنوں تک پاؤں دھوتا ہے تو وہ اپنے ہر گناہ اور خطا سے اس طرح پاک ہو جاتا ہے جیسے وہ اس دن تھا جب اس کی ماں نے اسے جنا تھا، پھر اگر وہ نماز کے لیے کھڑا ہو جائے تو اللہ عزوجل اس (نماز) کی بدولت اس کا درجہ بلند فرما دیتا ہے اور اگر وہ بیٹھ جائے تو سلامتی کے ساتھ بیٹھتا ہے۔“ [صحيح الجامع الصغير وزيادته/[حرف الألف] -- اه/حدیث: 2724]