(نبی کریم صلی اللہ علیہ وسلم نے فرمایا:)
”میں سویا ہوا تھا کہ اچانک میرے پاس دودھ کا ایک پیالہ لایا گیا، میں نے اس میں سے (اتنا پیٹ بھر کر) پیا یہاں تک کہ میں اس کی سیرابی کو اپنے ناخنوں سے نکلتا ہوا محسوس کرنے لگا، پھر میں نے اپنا بچا ہوا (جھوٹا) عمر بن خطاب کو دے دیا۔“ (صحابہ کرام نے) عرض کیا: اے اللہ کے رسول! آپ نے اس خواب کی کیا تعبیر لی ہے؟ تو آپ صلی اللہ علیہ وسلم نے فرمایا: ”(اس سے مراد) علم (ہے)۔“ [صحيح الجامع الصغير وزيادته/حرف الباء/حدیث: 2859]