(نبی کریم صلی اللہ علیہ وسلم نے فرمایا:)
”میں سو رہا تھا کہ اچانک ایک جماعت نظر آئی، جب میں نے انہیں پہچان لیا تو میرے اور ان کے درمیان سے ایک آدمی نکلا اور کہا: آ جاؤ۔ میں نے پوچھا: کہاں؟ اس نے کہا: اللہ کی قسم! آگ کی طرف۔ میں نے پوچھا: ان کا کیا معاملہ ہے؟ اس نے کہا: یہ تمہارے بعد الٹے پاؤں پھر گئے۔ پھر اچانک ایک اور جماعت نظر آئی، جب میں نے انہیں پہچان لیا تو میرے اور ان کے درمیان سے ایک آدمی نکلا اور کہا: آ جاؤ۔ میں نے پوچھا: کہاں؟ اس نے کہا: آگ کی طرف۔ میں نے پوچھا: ان کا کیا معاملہ ہے؟ اس نے کہا: یہ تمہارے بعد الٹے پاؤں پھر گئے۔ پس میرا خیال ہے کہ ان میں سے صرف اتنے ہی بچیں گے جتنے چرنے کے لیے چھوڑے گئے آوارہ جانوروں میں سے بچ جاتے ہیں۔“ [صحيح الجامع الصغير وزيادته/حرف الباء/حدیث: 2867]