(نبی کریم صلی اللہ علیہ وسلم نے فرمایا:)
”جنت مجھ سے اتنی قریب کر دی گئی کہ اگر میں اس کی طرف ہاتھ بڑھانے کی جرات کرتا تو تمہارے پاس اس کے پھلوں میں سے ایک گچھا لے آتا، اور جہنم مجھ سے اتنی قریب کر دی گئی کہ میں نے کہا: اے رب! کیا میں بھی ان کے ساتھ ہوں؟ تو (اچانک) میں نے ایک عورت کو دیکھا جسے ایک بلی نوچ رہی تھی۔ میں نے پوچھا: اس کا کیا معاملہ ہے؟ کہا گیا: اس نے اسے (بلی کو) قید کر رکھا تھا یہاں تک کہ وہ بھوک سے مر گئی، نہ اس نے اسے کھلایا اور نہ اسے چھوڑا کہ وہ زمین کے کیڑے مکوڑے کھا لیتی۔“ [صحيح الجامع الصغير وزيادته/حرف القاف./حدیث: 4371]