(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کی اکثر دعا یہ ہوتی: اے دلوں کو پھیرنے والے! میرے دل کو اپنے دین پر ثابت رکھ۔ اس بارے میں آپ سے پوچھا گیا تو آپ صلی اللہ علیہ وسلم نے فرمایا: کوئی انسان ایسا نہیں مگر اس کا دل اللہ کی انگلیوں میں سے دو انگلیوں کے درمیان ہے، وہ جسے چاہے ثابت رکھے اور جسے چاہے پھیر دے۔“ [صحيح الجامع الصغير وزيادته/باب كان وهي الشمائل الشريفة/حدیث: 4801]