(نبی کریم صلی اللہ علیہ وسلم نے فرمایا:)
”اللہ نے کوئی نبی نہیں بھیجا مگر اس نے اپنی امت کو دجال سے ڈرایا، نوح نے اور ان کے بعد کے تمام نبیوں نے اس سے ڈرایا، اور وہ تم میں ضرور نکلے گا، پس اس کا جو حال تم پر مخفی رہے وہ بھی تم پر مخفی نہیں رہے گا کہ تمہارا رب کانا نہیں ہے، جبکہ وہ دجال دائیں آنکھ سے کانا ہوگا، گویا اس کی آنکھ ابھری ہوئی انگور کے دانے کی طرح ہے، سن لو! اللہ نے تمہارے خون اور تمہارے مال تم پر اسی طرح حرام کیے ہیں جیسے تمہارے اس دن کی حرمت، تمہارے اس شہر میں، تمہارے اس مہینے میں، خبردار! کیا میں نے پہنچا دیا؟ اے اللہ! گواہ رہ (یہ تین بار فرمایا)، افسوس تم پر! دیکھو، میرے بعد کافر نہ بن جانا کہ ایک دوسرے کی گردنیں مارنے لگو۔“ [صحيح الجامع الصغير وزيادته/حرف الميم./حدیث: 5577]