(نبی کریم صلی اللہ علیہ وسلم نے فرمایا:)
” «لَا إِلَهَ إِلَّا اللَّهُ» (اللہ کے سوا کوئی سچا معبود نہیں)، عربوں کے لیے اس شر سے خرابی ہے جو قریب آ چکا ہے، آج یاجوج کی دیوار میں اتنا شگاف پڑ گیا ہے - اور آپ صلی اللہ علیہ وسلم نے اپنے انگوٹھے اور اس سے ملی ہوئی انگلی سے حلقہ بنایا - عرض کیا گیا: کیا ہم ہلاک ہو جائیں گے جبکہ ہم میں نیک لوگ بھی موجود ہیں؟ آپ صلی اللہ علیہ وسلم نے فرمایا: ہاں، جب گندگی زیادہ ہو جائے۔“ [صحيح الجامع الصغير وزيادته/حرف اللام ألف./حدیث: 7176]