(نبی کریم صلی اللہ علیہ وسلم نے فرمایا:)
”اے عائشہ! کیا تمہیں معلوم ہوا کہ اللہ نے مجھے اس بات کا جواب دے دیا جو میں نے اس سے پوچھی تھی؟ میرے پاس دو آدمی آئے، ایک میرے سرہانے بیٹھ گیا اور دوسرا میرے پاؤں کی طرف۔ جو سرہانے تھا اس نے پاؤں والے سے کہا: اس آدمی کو کیا تکلیف ہے؟ اس نے کہا: اس پر جادو کیا گیا ہے۔ پوچھا: کس نے جادو کیا؟ اس نے کہا: لبید بن اعصم نے۔ پوچھا: کس چیز میں چھپا کر؟ اس نے کہا: کنگھی، بالوں اور نر کھجور کے خوشے کے خول میں۔ پوچھا: وہ کہاں ہے؟ اس نے کہا: ذروان کے کنویں میں۔ اے عائشہ! اللہ کی قسم! گویا اس کا پانی مہندی بھگونے کے پانی جیسا اور اس کے کھجور کے درخت شیطانوں کے سروں جیسے تھے۔“ [صحيح الجامع الصغير وزيادته/حرف الياء/حدیث: 7917]