ابو سفیان رحمہ اللہ بیان کرتے ہیں کہ میں نے ایک شخص کو سیدنا انس بن مالک رضی اللہ عنہ سے پوچھتے ہوئے سنا: ”میں نے سحری کر لی تھی، پھر میرا ارادہ ہوا کہ روزہ افطار کر دوں، کیا ایسا کر سکتا ہوں؟“ سیدنا انس رضی اللہ عنہ نے فرمایا: ”افطار کر لو۔“ پھر انہوں نے فرمایا: سیدنا ابو طلحہ رضی اللہ عنہ اپنے اہل خانہ کے پاس آتے اور دریافت کرتے: ”کیا تمہارے پاس کھانے کے لیے کچھ ہے؟“ جب وہ کہتے: نہیں، تو آپ فرماتے: ”پھر میں روزے سے ہوں۔“
وضاحت: اس اثر سے معلوم ہوتا ہے کہ نفلی روزے کی نیت دن میں بھی کی جا سکتی ہے، نیز نفلی روزہ شروع کرنے کے بعد اسے افطار کرنے کی گنجائش ہے۔ [المطالب العالية بزوائد المسانيد الثمانية/كتاب الصيام/حدیث: 1014]