سیدنا ابن عباس رضی اللہ عنہ سے روایت ہے کہ انہوں نے فرمایا: ”حاملہ اور دودھ پلانے والی عورتیں جب (روزہ رکھنے کی صورت میں اپنی یا بچے کی صحت کا) خوف محسوس کریں تو وہ روزہ چھوڑ دیں اور (بطور فدیہ مسکین کو) کھانا کھلائیں، ان پر ان روزوں کی قضا لازم نہیں ہے۔“ اس روایت کی سند حسن ہے۔
امام ابو داؤد نے بھی اس حدیث کو اسی سند کے ساتھ روایت کیا ہے، تاہم ان کی روایت میں یہ الفاظ مذکور نہیں ہیں کہ ”ان پر ان روزوں کی قضا لازم نہیں ہے“۔ [المطالب العالية بزوائد المسانيد الثمانية/كتاب الصيام/حدیث: 1047]