سیدنا ابوہریرہ اور سیدنا عبداللہ بن عباس رضی اللہ عنہما سے روایت ہے کہ وہ دونوں بیان کرتے ہیں کہ رسول اللہ صلی اللہ علیہ وسلم نے ہمیں ایک مرتبہ خطبہ ارشاد فرمایا، (راوی نے مکمل) حدیث ذکر کی جس میں یہ (فرمانِ عالی) بھی تھا کہ: ”جس شخص نے کسی حج یا عمرہ کرنے والے کی عدم موجودگی میں اس کے اہل و عیال کی خیر و بھلائی کے ساتھ دیکھ بھال اور کفالت کی، تو اسے بھی اس (حج یا عمرہ کرنے والے) کے برابر مکمل اجر ملے گا، اور ان کے اپنے اجر و ثواب میں سے کچھ بھی کم نہیں کیا جائے گا۔“ [المطالب العالية بزوائد المسانيد الثمانية/كتاب الحج/حدیث: 1130]