سیدنا ابوہریرہ اور سیدنا ابن عباس رضی اللہ عنہم سے روایت ہے کہ ان دونوں نے بیان فرمایا کہ رسول اللہ صلی اللہ علیہ وسلم نے ہمیں ایک طویل خطبہ ارشاد فرمایا جس میں یہ بھی ذکر کیا کہ: ”جو شخص حج یا عمرہ کی غرض سے (گھر سے) نکلا، تو اس کے واپس لوٹنے تک اسے ہر قدم کے بدلے دس لاکھ نیکیاں عطا کی جاتی ہیں، اس کے دس لاکھ گناہ مٹا دیے جاتے ہیں اور اس کے دس لاکھ درجات بلند کر دیے جاتے ہیں، نیز اس کے رب کے حضور اس کے خرچ کردہ ہر درہم کے بدلے دس لاکھ درہم اور ہر دینار کے بدلے دس لاکھ دینار کا ثواب لکھا جاتا ہے، اور وہ جو بھی نیک عمل کرتا ہے اس کے بدلے اسے دس لاکھ گنا اجر ملتا ہے یہاں تک کہ وہ واپس لوٹ آئے، اور وہ اللہ تعالیٰ کی امان و ضمانت میں ہوتا ہے، پس اگر اللہ اسے (اسی حالت میں) وفات دے دے تو اسے جنت میں داخل فرماتا ہے اور اگر اسے سلامتی کے ساتھ واپس لائے تو وہ اس حال میں لوٹتا ہے کہ اس کی مغفرت ہو چکی ہوتی ہے اور اس کی دعائیں مقبول ہوتی ہیں؛ لہٰذا جب حاجی (سفر سے) واپس آئے تو اس کے دوبارہ گناہوں میں ملوث ہونے سے پہلے اس کی دعا کو غنیمت جانو، کیونکہ وہ قیامت کے دن ایک لاکھ افراد کے حق میں شفاعت کرے گا“۔
ائمہ محققین کے نزدیک یہ حدیث من گھڑت (موضوع) ہے۔ [المطالب العالية بزوائد المسانيد الثمانية/كتاب الحج/حدیث: 1132]