امام حسن بصری رحمہ اللہ سے روایت ہے کہ امیر المؤمنین سیدنا عمر بن خطاب رضی اللہ عنہ نے حجِ تمتع (حج کے مہینوں میں عمرہ ادا کر کے احرام کھولنے) سے منع کرنے کا پختہ ارادہ فرمایا، تو ان کے سامنے سیدنا ابی بن کعب رضی اللہ عنہ کھڑے ہو گئے اور عرض کیا کہ آپ کو یہ اختیار حاصل نہیں ہے، کیونکہ اس کے متعلق اللہ عزوجل کی کتاب (کا حکم) نازل ہو چکا ہے اور ہم نے خود رسول اللہ صلی اللہ علیہ وسلم کے ہمراہ اس طریقے پر عمرہ ادا کیا ہے، چنانچہ یہ سن کر سیدنا عمر رضی اللہ عنہ اپنے ارادے سے باز آگئے۔ [المطالب العالية بزوائد المسانيد الثمانية/كتاب الحج/حدیث: 1178]