مجاہد رحمہ اللہ سے روایت ہے کہ سیدنا عبداللہ بن زبیر رضی اللہ عنہما نے (اہلِ مکہ سے مخاطب ہو کر) فرمایا: ”تم لوگ صرف حجِ اِفراد کیا کرو اور اپنے اس نابینا شخص (ابن عباس) کی بات چھوڑ دو،“ اس پر سیدنا عبداللہ بن عباس رضی اللہ عنہما نے (برجستہ) فرمایا: ”حقیقت میں وہ تو تم خود ہو جس کے دل کو اللہ تعالیٰ نے بصیرت سے محروم (اندھا) کر دیا ہے، اس مسئلے کی شرعی حیثیت جاننے کے لیے ذرا اپنی والدہ (سیدہ اسماء رضی اللہ عنہا) سے تو دریافت کرو۔“ [المطالب العالية بزوائد المسانيد الثمانية/كتاب الحج/حدیث: 1184]