امام مسدد رحمہ اللہ بیان کرتے ہیں کہ ہمیں یحییٰ نے سفیان سے، انہوں نے منصور سے اور انہوں نے سالم بن ابی الجعد سے یہ روایت نقل کی ہے کہ ایک خاتون نے سیدنا عبداللہ بن عمر رضی اللہ عنہما سے دریافت کیا کہ ”کیا میں احرام کی حالت میں اپنے کپڑے دھو سکتی ہوں؟“ تو آپ رضی اللہ عنہ نے جواباً ارشاد فرمایا: ”بے شک اللہ تعالیٰ کو تمہارے میل کچیل سے کوئی سروکار نہیں (یعنی اللہ تمہیں میلا کچیلا دیکھنا پسند نہیں فرماتا، اس لیے صفائی کی غرض سے کپڑے دھونے میں کوئی حرج نہیں ہے)۔“ [المطالب العالية بزوائد المسانيد الثمانية/كتاب الحج/حدیث: 1189]