امام ابوداؤد طیالسی رحمہ اللہ روایت کرتے ہیں کہ امیر المؤمنین سیدنا علی بن ابی طالب رضی اللہ عنہ کا یہ معمول تھا کہ وہ جب حجرِ اسود کے پاس سے گزرتے اور وہاں لوگوں کا شدید اژدہام پاتے تو (ہجوم کی وجہ سے اسے چومنے کی بجائے) اس کی طرف رخ کر کے اللہ کی کبریائی بیان کرتے اور یہ دعا پڑھتے: «اللَّهُمَّ إِيمَانًا بِكَ وَسُنَّةِ نَبِيِّكَ» ”اے اللہ! محض تجھ پر ایمان لانے اور تیرے نبی کی سنت کی پیروی کی خاطر (یہ عمل کر رہا ہوں)۔“ [المطالب العالية بزوائد المسانيد الثمانية/كتاب الحج/حدیث: 1221]