سیدنا عمر رضی اللہ عنہ سے روایت ہے کہ انہوں نے ام الولد (وہ لونڈی جس کے بطن سے اس کے مالک کی اولاد پیدا ہو چکی ہو) کے متعلق یہ فیصلہ صادر فرمایا کہ ”نہ تو اسے فروخت کیا جائے گا، نہ ہی اسے ہبہ (تحفہ) کیا جائے گا اور نہ ہی اسے وراثت میں تقسیم کیا جائے گا، اس کا مالک جب تک باحیات ہے وہ اس سے نفع اندوز ہوتا رہے گا، پھر جب اس کا انتقال ہو جائے تو وہ آزاد ہو جائے گی۔“ [المطالب العالية بزوائد المسانيد الثمانية/كتاب العتق/حدیث: 1526]