سیدنا علی رضی اللہ عنہ سے روایت ہے کہ ”نبی اکرم صلی اللہ علیہ وسلم نے لوگوں کا جائزہ لیا تو آپ صلی اللہ علیہ وسلم کی نظر ایک ایسے شخص پر پڑی جس کے ہاتھ میں ایک عربی کمان تھی، آپ صلی اللہ علیہ وسلم نے ارشاد فرمایا: ”تم اس (کمان) کو اور اس جیسی دیگر (کمانوں) کو نیز بانس کے نیزوں کو اپنے اوپر لازم کرلو؛ کیونکہ اسی کے ذریعے اللہ تعالیٰ تمہیں شہروں میں غلبہ و اقتدار عطا فرمائے گا اور تمہاری نصرت و تائید فرمائے گا۔“ اور امام طیالسی نے (اپنی مسند میں) کہا ہے کہ ہمیں اشعث بن سعید نے، جو کہ ابو الربیع السمان ہیں، اسی سند و متن کے ساتھ یہ حدیث بیان کی ہے۔ [المطالب العالية بزوائد المسانيد الثمانية/كتاب الجهاد/حدیث: 2000]