سیدنا مَعْقِلِ بْنِ يَسَارٍ رَضِيَ اللهُ عَنْهُ سے روایت ہے کہ نبی کریم صلی اللہ علیہ وسلم نے ارشاد فرمایا: ”میری امت کے دو شخص ایسے ہیں جنہیں میری شفاعت نصیب نہیں ہوگی: ایک «إِمَامٌ ظَلُوْمٌ عَسُوْفٌ غَشُوْمٌ» ”ایسا حکمران جو سخت ظالم، رعایا پر بے جا سختی کرنے والا اور ان کا حق غصب کرنے والا ہو“، اور دوسرا وہ شخص جو «غَالٍ فِي الدِّيْنِ مَارِقٌ فِيْهِ» ”دین میں غلو (انتہا پسندی) کرنے والا اور اس سے نکل جانے والا“ ہو۔“
امام ابو یعلیٰ نے ایک دوسری سند سے معاویہ بن قرہ رحمہ اللہ سے اسی کی مانند روایت نقل کی ہے، البتہ اس میں لفظ «عَسُوْفٌ» کا ذکر نہیں ہے۔ [المطالب العالية بزوائد المسانيد الثمانية/كتاب الخلافة والإمارة/حدیث: 2158]