سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم کا گزر ایک درخت کے پاس سے ہوا، پس آپ صلی اللہ علیہ وسلم نے اسے (پکڑ کر) حرکت دی یہاں تک کہ اس کے پتے اس قدر جھڑ گئے جتنا اللہ تعالیٰ کو منظور تھا کہ وہ جھڑیں، پھر آپ صلی اللہ علیہ وسلم نے ارشاد فرمایا: ”بیماریاں اور مصائب ابنِ آدم کے گناہوں کو مٹانے میں اس سے کہیں زیادہ تیز ہیں جتنا (تیزی سے) میں نے اس درخت کے پتے جھاڑے ہیں۔“
مسند ابی یعلی: 2455، اس کی سند میں جابر الجعفی اور زیاد النمیری کی وجہ سے ضعف پایا جاتا ہے۔ [المطالب العالية بزوائد المسانيد الثمانية/كتاب الطب/حدیث: 2455]