سیدنا ابوہریرہ رضی اللہ عنہ سے روایت ہے کہ اللہ کے رسول صلی اللہ علیہ وسلم نے ارشاد فرمایا: ”بے شک (کبھی) آدمی کے لیے اللہ تعالیٰ کے ہاں ایک بلند مقام و مرتبہ (مقرر) ہوتا ہے جس تک وہ محض اپنے اعمال کے ذریعے نہیں پہنچ پاتا، چنانچہ اللہ سبحانہ و تعالیٰ مسلسل اسے ایسی چیزوں اور آزمائشوں میں مبتلا فرماتا ہے جو اسے ناگوار گزرتی ہیں، یہاں تک کہ وہ اسے اس بلند مرتبے تک پہنچا دیتا ہے۔“
امام ابو یعلیٰ نے اپنی مسند میں عقبہ بن مکرم از یونس کی سند سے اسے بیان کیا ہے اور امام ابن حبان نے اس حدیث کو صحیح قرار دیا ہے۔ [المطالب العالية بزوائد المسانيد الثمانية/كتاب الطب/حدیث: 2457]