سیدنا عمرو بن حزم رضی اللہ عنہ سے روایت ہے کہ نبی کریم صلی اللہ علیہ وسلم نے ارشاد فرمایا: ”جو شخص کسی مریض کی عیادت و تیمارداری کے لیے جاتا ہے تو وہ (جانے کے دوران) مسلسل اللہ تعالیٰ کی رحمت میں غوطہ زن رہتا ہے، یہاں تک کہ جب وہ مریض کے پاس بیٹھ جاتا ہے تو اس رحمت میں پوری طرح غرق ہو جاتا ہے (گویا رحمتِ الہٰی اسے ڈھانپ لیتی ہے)۔“
امام عبد بن حمید نے اپنی روایت میں ان الفاظ کا اضافہ کیا ہے کہ آپ صلی اللہ علیہ وسلم نے فرمایا: ”پھر جب وہ عیادت کے بعد واپس لوٹتا ہے تو وہ اپنے گھر پہنچنے تک مسلسل اسی طرح رحمتِ الہٰی میں غوطہ زن رہتا ہے جہاں سے وہ (عیادت کے لیے) روانہ ہوا تھا۔“ [المطالب العالية بزوائد المسانيد الثمانية/كتاب الطب/حدیث: 2472]