سیدنا براء بن عازب رضی اللہ عنہ سے روایت ہے کہ رسول اللہ صلی اللہ علیہ وسلم نے ہمیں ایک مرتبہ (اتنی بلند آواز میں) خطاب فرمایا کہ آپ صلی اللہ علیہ وسلم نے گھروں یا ان کے پردوں میں مقیم دوشیزاؤں تک کو اپنی آواز سنا دی، پس آپ صلی اللہ علیہ وسلم نے ارشاد فرمایا: ”اے وہ گروہ جو محض اپنی زبان سے ایمان لائے ہو! مسلمانوں کی غیبت نہ کیا کرو اور نہ ہی ان کے پوشیدہ عیوب و نقائص کی ٹوہ میں رہا کرو، کیونکہ جو شخص اپنے (مسلمان) بھائی کے عیوب کے پیچھے پڑتا ہے تو اللہ تعالیٰ اس کے عیوب کے پیچھے پڑ جاتا ہے، اور اللہ عزوجل جس کے عیوب کے درپے ہو جائے تو اسے اس کے گھر کے اندر ہی (لوگوں کے سامنے) ذلیل و رسوا کر دیتا ہے۔“
مسند ابی یعلی: 2589، اس کی سند حسن ہے، اور علامہ البانی نے دیگر شواہد کی بنا پر اسے صحیح قرار دیا ہے۔ [المطالب العالية بزوائد المسانيد الثمانية/كتاب الأدب/حدیث: 2589]